రాజ్యసభ సభ్యులు సంతోష్ కుమార్ ప్రారంభించిన గ్రీన్ ఇండియా ఛాలెంజ్ కార్య‌క్ర‌మం విజ‌య‌వంతంగా కొన‌సాగుతోంది. ఎంపీ సంతోష్ కుమార్ ఇచ్చిన పిలుపుమేరకు గ్రీన్ ఇండియా ఛాలెంజ్ ను ముందుకు తీసుకెళ్లి…ప్రతి ఒక్కరం మొక్కలు నాటాలని నటి మంచు లక్ష్మి కోరారు. నటి శిల్పా రెడ్డి విసిరిన గ్రీన్ ఇండియా ఛాలెంజ్ ను స్వీకరించిన మంచు లక్ష్మి..ఫిలింనగర్ లోని తన నివాసం లో మొక్కలు నాటారు.
అనంతరం ఈ గ్రీన్ ఇండియా ఛాలెంజ్ ను అందరూ స్వీకరిస్తూ మొక్కలు నాటాలని కోరారు. ఇలాంటి గొప్ప కార్య‌క్ర‌మాన్ని చేప‌ట్టిన ఎంపీ సంతోష్ కుమార్ ను ప్రత్యేకంగా అభినందించారు. ఈ సంద‌ర్భంగా మరో ముగ్గురు..నీరజ (డిజైనర్), సంధ్య (డాన్సర్), సందీప్ కిషన్ ను గ్రీన్ ఇండియా ఛాలెంజ్ స్వీకరించి మొక్కలు నాటాలని పిలుపునిచ్చారు.
