- ‘స్పెషల్ రైస్ ఆఫ్ ది వరల్డ్’గా పేర్కొన్న ఐక్యరాజ్యసమితి
- ఈశాన్య ఉత్తరప్రదేశ్‌‌లో కొనసాగుతున్న పురాతన విత్తనం
- గుండె, అల్జీమర్స్, మధుమేహ వ్యాధిగ్రస్తులకు ఎంతో మేలు
ఇండియన్ అగ్రికల్చర్ రీసెర్చ్ ఇన్‌స్టిట్యూట్ (Indian Agricultural Research Institute) ‘IARI’ ఉత్తరప్రదేశ్‌ (Uttar Pradesh)లో ఇటీవల రెండు కొత్త మరుగుజ్జు రకాల కాలానమక్ రైస్ (Kalanamak Rice)ను పరీక్షించింది. ‘పూసా నరేంద్ర కాలానమక్ 1638, పూసా నరేంద్ర కాలానమక్ 1652’గా పిలువబడే ఈ రకాలు రెట్టింపు దిగుబడిని ఇస్తాయి. అంతేకాదు సాంప్రదాయ రకంలో తక్కువ దిగుబడికి దోహదపడే వసతి సమస్యను ఇవి పరిష్కరించగలవు.
సాంప్రదాయ ‘కాలానమక్’ వరి రకం నల్లని పొట్టు (Black shell), బలమైన వాసన (Strong smell)కలిగి ఉంటుంది. జ్ఞానోదయం తర్వాత (After enlightenment) బుద్ధుడు (The Buddha)ఈ ప్రాంతాన్ని సందర్శించినప్పటి నుంచి శ్రావస్తి ప్రజలకు ఇది ‘బుద్ధుడి బహుమతి’ (Buddha’s gift)గా పరిగణించబడుతుంది. ఈ రకం నేపాల్‌తో (Nepal)పాటు ఈశాన్య ఉత్తరప్రదేశ్‌, టెరాయ్ (Northeast Uttar Pradesh, Terai) ప్రాంతంలోని 11 జిల్లాల్లో (11 Disrict)పెరుగుతుంది. అంతేకాదు ‘వన్ డిస్ట్రిక్, వన్ ప్రొడక్ట్ (One district, one product) (ODOP)’ కార్యక్రమం కింద ఉత్తరప్రదేశ్‌లోని టెరాయ్ బెల్ట్‌లో ఆస్పిరేషనల్ డిస్ట్రిక్ (Aspirational District) అయిన సిద్ధార్థనగర్ (Siddharthanagar) ఈ ‘వన్ డిస్ట్రిక్, వన్ ప్రొడక్ట్(ODOP)’ అవార్డు (Award)పొందింది. ఈ క్రమంలో కాలానమక్‌కు జియోగ్రాఫికల్ ఇండికేషన్ (Geographical Indication for Kalanamuk) (జిఐ) ట్యాగ్ సిస్టమ్ (system) కూడా లభించింది. ఐక్యరాజ్యసమితిలోని ఫుడ్ అండ్ అగ్రికల్చర్ ఆర్గనైజేషన్ (Food and Agriculture Organization of the United Nations) ‘FAO’ ‘స్పెషల్ రైస్ ఆఫ్ ది వరల్డ్’ (‘Special Rice of the World’) అనే పుస్తకంలో (book) దీనిని ప్రదర్శించింది.
సమస్యలు ఏమిటి?
కాలానమక్ బియ్యం (rice)సాంప్రదాయక రకం సమస్య విషయానికొస్తే. ఇది పొడవుగా పెరగడం నేలపై వాలిపోతుంది. దీంతో ధాన్యం నాణ్యతను తీవ్రంగా ప్రభావితం చేస్తుంది. ధాన్యం గొలుసుల నిర్మాణాలు పైభాగంలో ఉన్న కారణంగా కాండం బలహీనంగా మారి మొక్క నేలమీద పడే పరిస్థితినే ‘లాడ్జింగ్’ (‘Lodging’) అని పిలుస్తారు. పైగా హెక్టారుకు కేవలం 2-2.5 టన్నుల దిగుబడి (Tonnes yield) తో మార్కెట్‌లో గణనీయమైన క్షీణతను చవిచూసింది. ఇవేకాక బ్లైట్ బాక్టీరియా వ్యాధి (blight bacterial disease) వ్యాప్తి కూడా ఈ వరిపై ప్రభావం చూపుతుంది. అయితే, కాలా నమక్ వరి పంట ఉత్పత్తికి అనువైనది. ఎందుకంటే ఇది ఎక్కువగా ఎరువులు లేదా పురుగుమందుల అవశేషాలు లేకుండా పండిస్తారు. అందువల్ల పెంపకందారుడు గణనీయమైన మొత్తంలో డబ్బు ఆదా చేయవచ్చు.
కాలానమక్ బియ్యం వల్ల కలిగే ప్రయోజనాలు?
ఈ బియ్యంలో అధికంగా ఉండే ఐరన్, జింక్ (Iron, Zinc)వంటి సూక్ష్మపోషకాలు అల్జీమర్స్ (Alzheimer’s) వ్యాధిని నివారిస్తాయి. ఇందులో 11% ప్రొటీన్లు (proteins)కూడా ఉంటుండగా.. ఇతర వరి రకాలతో పోలిస్తే ఇది దాదాపు రెండు రెట్లు ఎక్కువ. పైగా దీనిలో తక్కువగా ఉండే గ్లైసెమిక్ ఇండెక్స్ (Glycemic index)(49 నుండి 52%) మధుమేహ వ్యాధిగ్రస్తులకు అనుకూలంగా ఉంటుంది. ఇందులోని ఆంథోసైనిన్ (Anthocyanin) వంటి యాంటీఆక్సిడెంట్లు (Antioxidants) చర్మ ఆరోగ్యాన్ని మెరుగుపరచడంలో సాయపడటమే కాక గుండె (heart) జబ్బులను నివారిస్తాయి. అంతేకాదు రక్తపోటును (blood pressure) నియంత్రించడంలో, రక్తానికి సంబంధించిన సమస్యలతో వ్యవహరించడంలోనూ ఉపయోగపడతాయని కనుగొనబడింది.
(Lorikeets:ఆకాశం నుంచి రాలిపడుతున్న చిలుకలు..)
కాలానమక్ వరి సంకర జాతి:
హిందూ నివేదిక ప్రకారం.. ‘బిండ్లీ మ్యూటాంట్ 68’ (‘Bindley Mutant 68’) అనే వరి రకం నుంచి మరుగుజ్జు జన్యువులను బ్రీడింగ్ ప్రోగ్రామ్‌ (Breeding program)లో ఉపయోగించారు. అదనంగా, పూసా బాస్మతి (Pusa Basmati) 1176 నుంచి వచ్చిన జన్యువు కాలానమాక్‌తో క్రాసింగ్ (crossing)చేయడానికి పేరెంట్‌గా (parent) ఉపయోగించబడింది. దాని నాణ్యతను పునరుద్ధరించడానికి ప్రొజెనీస్ (Progeny)తదుపరి కాలానమక్‌తో బ్యాక్‌క్రాస్ (back cross)చేయబడింది. వీటిని ఖరీఫ్ సీజన్‌ (Kharif season)లో రైతులకు పంపిణీ చేశారు. కొత్త జాతి బలమైన వాసన, అద్భుతమైన పోషక లక్షణాలను కలిగి ఉంది. సాంప్రదాయ కాలానమక్ ద్వారా ఉత్పత్తి చేయబడిన 2.5 టన్నులతో పోల్చితే, ఉత్పాదకత హెక్టారుకు 4.5 నుంచి 5 టన్నులకు పెరిగిందని లెక్కలు చెబుతున్నాయి.