టెస్లా అధినేత(Tesla Owner) ఎలాన్ మస్క్(Elaan Musk) భారత పర్యటన(India Tour)కు రానున్నారు. ఈ ఏడాది చివర్లో తాను భారత్‌కు రానున్నట్టు ‘ఎక్స్’ వేదికగా స్వయంగా వెల్లడించారు. ప్రధాని మోదీ(PM Modi)తో సంభాషణ అనంతరం మస్క్ తన భారత పర్యటనపై ‘ఎక్స్’లో పోస్టు పెట్టడం విశేషం. ప్రధాని మోదీతో సంభాషించడం గౌరవంగా భావిస్తున్నట్టు తన పోస్టులో పేర్కొన్నారు. మస్క్ పర్యటన అమెరికా, భారత్ మధ్య వాణిజ్య సంబంధాలను మరింత బలోపేతం చేయనుంది. గతేడాది సార్వత్రిక ఎన్నికలకు ముందే మస్క్ భారత్‌లో పర్యటించాల్సి ఉన్నా
చివరి నిమిషంలో తన ప్రయాణాన్ని వాయిదా వేసుకున్నారు. గతంలోనూ మస్క్ భారత పర్యటన అనేకసార్లు వాయిదా పడింది. కాగా మస్క్ నేతృత్వంలోని టెస్లా, స్టార్ లింగ్ సంస్థలు భారత విపణిలో అడుగుపెట్టేందుకు ఆసక్తి చూపుతున్న సంగతి తెలిసిందే. దీనిలో భాగంగానే ఇప్పటికే షోరూమ్‌ల ఏర్పాటుకు సన్నాహాలు మొదలుపెట్టిన ఆ సంస్థ.. భారత్ రోడ్లపై ‘మోడల్ వై’ కారును పరీక్షిస్తోంది. తాజాగా ముంబై జాతీయ రహదారిపై దర్శనమివ్వడం చూపరులను ఆకట్టుకుంది. టెలికాం కంపెనీలైన ఎయిర్‌టెల్, జియో ఇప్పటికే స్టార్ లింక్ సేవల కోసం స్పేస్‌ఎక్స్‌తో ఒప్పందం చేసుకున్నాయి. కేంద్రం నుంచి అనుమతులు రావాల్సిన సమయంలో మస్క్ పర్యటన ప్రాధాన్యం సంతరించుకుంది.