సోనూసూద్‌ను సత్కరించిన తనికెళ్ల..

ఇండియన్‌ విలక్షణ నటుడు సోనూసూద్‌ను టాలీవుడ్‌ ప్రముఖ నటుడు తనికెళ్ల భరణి ఘనంగా సన్మానించారు. ఈ అరుదైన ఘటన మెగాస్టార్‌ చిరంజీవి కథానాయకుడిగా నటిస్తున్న ఆచార్య సినిమా షూటింగ్‌ సెట్లో జరిగింది. ఈ సందర్భంగా దర్శకుడు కొరటాల శివను కూడా భరణి సన్మానించారు. లాక్‌డౌన్‌ సమయంలో సోనూ చేసిన సేవలు దేశప్రజలు ఎప్పటికీ మరవలేని నిజం. అంతటి గొప్ప కార్యాలు చేసిన సోనూను గౌరవించుకోవడం మన అదృష్టమని భరణి ఈ సందర్భంగా అన్నారు. లాక్‌డౌన్‌ సమయంలో వివిధ రాష్ట్రాల కార్మికులను ఎంతో శ్రమకు ఓర్చి వారి స్వరాష్ట్రాలకు చేర్చారు సోనూ. అంతే కాకుండా ఆపదలో ఉన్న ఎంతో మందికి ఆర్థిక సాయం చేశారు.