- టైరు పంక్చరై డివైడర్‌ను ఢీకొట్టిన వాహనం
- జనాగామ జిల్లా రఘునాథపల్లె రహదారిపై ఘటన
కారు డివైడర్‌కు ఢీకొన్న ఘటనలో ముగ్గురు వ్యక్తులు అక్కడికక్కడే మృతి చెందారు. ఈ విషాధకర ఘటన జనగామజిల్లా రఘునాథపల్లె మండలం గోవర్ధనగిరి దర్గా వద్ద జరిగింది. వరంగల్‌ హన్మకొండ నుండి హైదరాబాద్‌ వస్తున్న టవేరా వాహనం కారు టైరు పంక్ఛరై అదుపుతప్పింది. దీంతో వేగంగా ప్రయాణిస్తున్న ఆ కారు చాలా దూరం వరకు పల్టీలు కొడుతూ డివైడర్‌ను ఢీకొట్టింది. ఇందులో ప్రయాణిస్తున్న ఏడు మంది ప్రయాణీకులు రోడ్డుపై పడిపోయారు. ఈ ఘటనలో ముగ్గురు మృతి చెందారు. మిగిలిన నలుగురికి తీవ్ర గాయాలయ్యాయి. ఈ సమాచారం అందుకున్న పోలీసులు క్షతగ్రాతులను స్థానికుల సహాయంతో అంబులెన్సులో జనగామా ఏరియా ఆసుపత్రికి తరలించారు.
