కాంగ్రెస్ నేత కూతురు మృతి

శంషాబాద్ మున్సిపాలిటీ పరిధిలో చోటుచేసుకున్న ఘోర రోడ్డు ప్రమాదంలో ప్రముఖ రాజకీయ పార్టీ మైనార్టీ నాయకుడు ఫిరోజ్ ఖాన్, లైలా ఖాన్ దంపతుల కుమార్తె తనియా కక్డే దుర్మరణం చెందారు. సిటీ శివారు శంషాబాద్ పరిధిలోని శాంతంరాయి వద్ద ఆదివారం అర్థరాత్రి దాటిన తర్వాత రోడ్డు ప్రమాదం జరిగింది. ఎయిర్ పోర్టు నుంచి తిరిగొస్తుండగా, ఐ20 కారు అదుపుతప్పి డివైడర్ ను వేగంగా ఢీకొట్టి బోల్తాపడింది. ఈ ప్రమాదంలో ఓ యువతి స్పాట్ లోనే ప్రాణాలు కోల్పోగా, లోపలున్న మరో ముగ్గురికి గాయాలయ్యాయి. ఘటనపై స్థానికులు పోలీసులకు సమాచారం అందించారు. తనియా మృతదేహాన్ని ఉస్మానియా ఆస్పత్రికి తరలించారు. ఫిరోజ్ ఖాన్, ఇతర కుటుంబ సభ్యులు అక్కడకు చేరుకున్నారు. ఈ ఘటనపై ఆర్‌జీఐ ఎయిర్‌పోర్టు అధికారులు కేసు నమోదు చేసుకుని దర్యాప్తు చేపట్టారు.