యంగ్‌ టైగర్‌ ఎన్టీఆర్.. మాటల మాంత్రికుడు, జీనియస్‌ డైరెక్టర్‌ త్రివిక్రమ్‌ కాంబినేషన్‌లో మరో మూవీ తెరకెక్కనున్నవిషయం తెలిసిందే. తాజాగా ఈ చిత్ర టైటిల్‌ను యూనిట్‌ ఖరారు చేసినట్లు తెలుస్తోంది. ఈ చిత్రానికి ‘అయిననూ పోవలె హస్తినకు’ అనే టైటిల్‌ను ఫిక్స్‌ చేసినట్లు టాలీవుడ్‌ టాక్‌. గతంలో వీరిద్దరి కాంబోలో వచ్చిన ‘అరవింద సమేత’ బ్లాక్‌ బస్టర్‌ హిట్‌గా నిలిచిన విషయం తెలిసిందే. ఈ సినిమాలో ఎన్టీఆర్ తన నట విశ్వరూపాన్ని చూపించాడు. త్రివిక్రమ్‌ తన డైలాగులతో సినిమాని ఓ రేంజ్‌కి తీసుకెళ్లాడు. పూజా హెగ్డే ఆకట్టుకుంది. ఇక ఈ హిట్‌ కాంబినేషన్‌ పునరావృతమైతే సినిమా ఎలా ఉంటుందో ఊహించుకోవచ్చు. తారక్‌ అభిమానులైతే పండుగ చేసుకుంటున్నారు. ఈ సినిమాలో తారక్‌ ‘చౌడప్ప నాయుడు’గా కనిపించనున్నాడట. ప్రధాన తారాగణాన్ని త్వరలో వెల్లడించనున్నట్లు చిత్రబృందం తెలిపింది.
కాగా, త్రివిక్రమ్‌ తీసిన దాదాపు చాలా సినిమాలు ‘అ’తో మొదలవడం తెలుసు కదా..! ఈ అన్ని చిత్రాలు బాక్సాఫీసు వద్ద సూపర్‌ డూపర్‌ హిట్స్‌గా నిలిచాయి. ఉదాహరణకు అతడు, అత్తారింటికి దారేది, అల వైకుంఠపురములో, అరవింద సమేత.