మెగా పవర్‌స్టార్‌ రామ్‌చరణ్‌ విసిరిన గ్రీన్ చాలెంజ్‌ను ఆర్‌ఆర్‌ఆర్‌ మూవీ బృందం స్వీకరించింది. చిత్ర దర్శకులు రాజమౌళి, కెమెరామేన్‌ సెంథిల్‌ కుమార్, ప్రొడక్షన్‌ డిజైనర్‌ సాబు సిరిల్, దర్శకత్వ శాఖ ఇలా అందరూ మొక్కలు నాటుతున్న వీడియోను సోషల్ మీడియా ద్వారా పంచుకున్నారు. ఈ సందర్భంగా ప్రతి ఒక్కరు మూడు మొక్కలు నాటి, మరో ముగ్గురిని నామినేట్ చేయాలని చరణ్‌ సూచించారు. అనంతరం, దర్శకులు రాజమౌళి.. ఆచార్య, పుష్ప, రాధేశ్యామ్‌ చిత్ర బృందాలకు గ్రీన్ చాలెంజ్‌ చేశారు.
కాగా, చరణ్‌.. రాజమౌళి డైరెక్షన్‌లో ‘రౌద్రం రణం రుధిరం’ అనే మూవీ చేస్తున్నారు. ఈ సినిమా ప్రస్తుతం రెగ్యులర్‌ షూటింగ్ జరుపుకుంటోంది. భారీ మల్టీస్టారర్‌గా తెరకెక్కుతున్న ఈ మూవీలో చరణ్‌, ఎన్టీఆర్ నటిస్తున్నారు. చరణ్‌ అల్లూరి సీతారామరాజుగా నటిస్తుండగా, ఎన్టీఆర్ కొమ్రం భీం పాత్ర చేస్తున్నారు. ఇప్పటికే వీరి పరిచయ టీజర్స్‌ ప్రేక్షకులను విపరీతంగా ఆకట్టుకోవడమే కాకుండా సోషల్ మీడియాలో రికార్డులు సృష్టించాయి.
