కరోనా మహమ్మారి ఎవరినీ వదలడం లేదు. ఏ మాత్రం అజాగ్రత్తగా వ్యవహరించినా శరీరంలోకి ఆవహిస్తోంది. దీనికి ధనికులు, పేదవారు అనే తారతమ్యాలు ఏమిలేవు. ప్రపంచవ్యాప్తంగా ఎంతోమంది ప్రాణాలను హరించిన కరోనా వ్యాధి.. టాలీవుడ్‌ ప్రముఖులను కూడా వదల్లేదు. ఇటీవలే ఈ వ్యాధి సోకి ప్రముఖ సినీ గాయకులు ఎస్బీబీ మరణించారు. తాజాగా యాంగ్రీ యంగ్‌మాన్‌, సినీ హీరో రాజశేఖర్‌ కరోనా బారిన పడ్డారు. ప్రస్తుతం ఆయన ఓ ప్రైవేటు ఆస్పత్రిలో చికిత్స పొందుతున్నారు.
కాగా, రాజశేఖర్‌ ఆరోగ్య పరిస్థితిపై ఆయన కూతురు శివాత్మిక సోషల్‌ మీడియా ద్వారా స్పందించారు. నాన్న గారి ఆరోగ్యం చాలా మెరుగ్గా ఉందనీ.. ఆయన కరోనా నుంచి త్వరగా కోలుకోవాలని ప్రతి ఒక్క అభిమాని ప్రార్థించాలని శివాత్మిక కోరుకుంది. ప్రస్తుతం నాన్న చాలా ఆరోగ్యంగా ఉన్నారనీ, ఎప్పటికప్పుడు ఆయన మాతో మాట్లాడుతున్నారని ఆమె తెలిపారు. కానీ, బ్యాడ్‌ న్యూస్ మాత్రం స్ర్పెడ్‌ చేయకూడదని శివాత్మిక విన్నవించారు. కాగా, శివాత్మిక ‘దొరసాని’
సినిమాతో టాలీవుడ్‌లోకి ఎంట్రీ ఇచ్చి, మంచి హిట్‌ సాధించిన విషయం తెలిసిందే.