కారు ఢీ… జింక మృతి

రోడ్డుదాటుతున్న జింకను కారు ఢీకొనడంతో జింక మృతి చెందిన ఘటన శంషాబాద్‌ మండలంలోని నర్కూడ గ్రామ సమీపంలో జరిగింది. పోలీసులు తెలిపిన వివరాల ప్రకారం షాబాద్‌వైపు నుండి శంషాబాద్‌ వైపు అతివేగంగా దూసుకొస్తున్న కారు రోడ్డు దాటుతున్న జింకను ఢీకొట్టింది. దీంతో ఆ జింక అక్కడికక్కడే మృతి చెందినట్లు పోలీసులు తెలిపారు. ఈ విషయాన్ని పోలీసులు అటవీశాఖ అధికారులకు సమాచారం అందించారు. కేసు నమోదు చేసుకొని దర్యాప్తు చేస్తున్నట్లు పోలీసులు వివరించారు.