ఈ రోజుల్లో తీవ్రమైన ఉష్ణోగ్రతలే గుండె జబ్బుల(Heart disease)కు కారణమవుతున్నట్లు WHO వెల్లడించింది. అంతేకాదు గత రెండు మూడేళ్లలో లక్షలాది మంది కార్డియోవాస్కులర్(Cardiovascular) కారణంగానే మరణిస్తున్నట్లు తాజా పరిశోధనలతో తెలినట్లు ప్రకటించింది. అత్యంత వేడి లేదా చల్లని ఉష్ణోగ్రతలు ఇస్కీమిక్ హార్ట్ డిసీజ్, స్ట్రోక్, హార్ట్ ఫెయిల్యూర్, అరిథ్మియా(Arrhythmia) వంటి గుండె జబ్బులతో బాధపడుతున్న వ్యక్తుల్లో మరణ ప్రమాదాన్ని పెంచుతున్నట్లు ‘అమెరికన్ హార్ట్ అసోసియేషన్ జర్నల్ సర్క్యులేషన్‌’లో ప్రచురించబడింది. 1979-2019 మధ్య 27 దేశాల్లో వందలాది నగరాల్లో సంభవించిన 32 మిలియన్లకు పైగా హృదయ మరణాలకు సంబంధించిన ఆరోగ్య డేటాను విశ్లేషించారు. ప్రపంచ ఆరోగ్య సంస్థ (WHO) ప్రకారం ప్రపంచంలోని మొత్తం మరణాలలో 16 శాతానికి గుండె జబ్బులు ప్రపంచవ్యాప్తంగా మరణాలకు అతిపెద్ద కారణం. కాగా 2000 నుంచి గుండె జబ్బులు ఇతర కారణాల వల్ల మరణాలలో అతిపెద్ద పెరుగుదలను గుర్తించామని, 2019లో ప్రపంచవ్యాప్తంగా 2 మిలియన్ల నుండి 8.9 మిలియన్ల మరణాలు పెరిగినట్లు వరల్డ్ హెల్త్ ఆర్గనైజేషన్ తెలిపింది.
హై టెంపరేచర్‌కు ఆజ్యం పోస్తున్న క్లైమెట్ చేంజ్:
అధిక వేడి, చలితో కూడిన నగరాల్లో చేసిన అధ్యయనం ప్రకారం సాధారణ కూల్ వెదర్(Cool weather) ఉన్నపుడు 2.5 శాతం, వేడిగా ఉండే రోజుల్లో 2.2 మంది మరణించినట్లు పరిశోధకులు కనుగొన్నారు. అయితే మళ్లీ అదే నగరాల్లో ప్రతి 1,000 మందిలో తీవ్రమైన చలి ఉండే రోజల్లో్ 9.1, వేడిగా ఉండే రోజుల్లో 12.8 అదనపు మరణాలు సంభవించినట్లు కనుగొన్నారు. ‘ప్రతి 100 హృదయ సంబంధిత మరణాలకు తీవ్రమైన ఉష్ణోగ్రత రోజులుకు కారణమని చెప్పవచ్చు. రోగులను ఉష్ణోగ్రత అనేక ప్రభావాలకు గురి చేస్తుంది. ఇది ఒక ముఖ్యమైన అన్వేషణ. ఎందుకంటే గుండెపోటుకు గురైన నలుగురిలో డిశ్చార్జ్(Discharge) అయిన 30 రోజులలోపు మళ్లీ ఒకరు ఆసుపత్రికి చేరుకుంటున్నారు. 20 శాతం మంది మాత్రమే రోగ నిర్ధారణ తర్వాత దాదాపు 10 ఏళ్ల వరకు జీవించి ఉంటారు’ అని మేరీల్యాండ్ స్కూల్(Maryland School) విశ్వవిద్యాలయానికి చెందిన పరిశోధకుడు ‘హైతం ఖ్రైషా(Haitham Khreisha)’ చెప్పారు.
సలహాలు చాలా అవసరం: పరిశోధకులు
అయితే ఈ వ్యాధులకు గురయ్యే వారి డెత్ రేట్స్‌(Death Rates) ను నివారించడానికి హెచ్చరిక వ్యవస్థలు, సలహాలు అవసరమని పరిశోధకులు సూచిస్తున్నారు. హార్వర్డ్ TH చాన్ స్కూల్ ఆఫ్ పబ్లిక్ హెల్త్‌లో పరిశోధనా సహచరుడు బరాక్ అలహ్మద్ మాట్లాడుతూ.. ‘మేము ఉద్భవిస్తున్న పర్యావరణ ఎక్స్‌పోజర్‌లు, విపరీతమైన ఉష్ణోగ్రతలు, హృదయనాళ ఆరోగ్యంపై మార్గదర్శకాలు.. శాస్త్రీయ ప్రకటనలను చేయమని ప్రొఫెషనల్ కార్డియాలజీ(Professional Cardiology) సంస్థలకు సూచిస్తున్నాం. అటువంటి ప్రకటనలలో మేము ఆరోగ్య సంరక్షణ నిపుణులకు మరింత దిశానిర్దేశం చేయవచ్చు. అలాగే క్లినికల్ డేటా అంతరాలను, పరిశోధన కోసం భవిష్యత్తు ప్రాధాన్యతలను గుర్తించవచ్చు. అధ్యయనం కోసం డేటా మల్టీ-కంట్రీ మల్టీ-సిటీ (MCC) సహకార రీసెర్చ్ నెట్‌వర్క్ నుండి ప్రతిపాదన వచ్చింది. ఇది ఎపిడెమియాలజిస్ట్‌లు, బయోస్టాటిస్టిషియన్లు, క్లైమేట్ సైంటిస్టుల కన్సార్టియం, వాతావరణానికి చెందిన ఆరోగ్య ప్రభావాలు, మరణాల రేటు సంబంధిత పర్యావరణ ఒత్తిళ్లను అధ్యయనం చేస్తుంది.
అడ్వైజ్ ఫర్ ఎక్స్‌ట్రీమ్ వెదర్:
అలాగే 26 డిగ్రీల సెల్సియస్ కంటే ఎక్కువ ఉండే ఉష్ణోగ్రతలు గుండె సంబంధిత వ్యాధితో బాధపడుతున్న వ్యక్తులను ప్రమాదంలో పడేస్తుందని అమెరికన్ హార్ట్ అసోసియేషన్ (AHA) హెచ్చరించింది. ముఖ్యంగా వృద్ధులకు, అధిక రక్తపోటు, ఊబకాయం లేదా గుండె జబ్బులు, స్ట్రోక్ చరిత్ర ఉన్నవారికి జాగ్రత్తలు చాలా ముఖ్యమైనవని వారు చెప్పారు. ఎందుకంటే ప్రధాన అవయవాల నుంచి రక్తాన్ని తరలించడం ద్వారా గుండె మరింత రక్తాన్ని పంప్ చేస్తూ ఒత్తిడికి గురవుతుందన్నారు. కాబట్టి అలాంటివారెప్పుడూ హైడ్రేటెడ్‌గా ఉండాలని, రోజులో అత్యంత వేడిగా ఉండే ప్రదేశాలకు దూరంగా ఉండాలని, సన్‌బ్లాక్‌ను తేలికపాటి, లేత రంగు దుస్తులు ధరించాలని అసోసియేషన్ సిఫార్సు చేస్తోంది. అంతేకాదు చల్లగా ఉండే రోజల్లో ముఖ్యమైన అవయవాలకు వెచ్చదనాన్ని అందించడానికి గుండె మరింత లోపల రక్తాన్ని ఉంచడానికి ప్రయత్నించినప్పుడు రక్త నాళాలు, కరోనరీ ధమనులు సంకోచించబడతాయి. దీంతో రక్తపోటు పెరిగితే స్ట్రోక్(Stroke) ప్రమాదాన్ని పెంచుతుంది. చివరగా చల్లని వాతావరణంలో ఆరుబయట వ్యాయామం చేస్తున్నప్పుడు హైడ్రేటెడ్‌గా ఉండేటట్లు చూసుకోవాలి. ఫ్లూ వంటి శీతాకాలపు వైరస్‌లకు వ్యతిరేకంగా టీకాలు వేయించుకోవడం,కొన్ని చల్లని వాతావరణ పానీయాలలో అదనపు కేలరీలను నివారించడం కోసం లేయర్‌లను ధరించాలని అసోసియేషన్ సిఫార్సు చేస్తుంది.