పాత కక్షల కారణంగా అన్నాదమ్ములిద్దరిని వెంబడించి కాల్పులు జరిపారు ముగ్గురు దుండగులు. ఈ సంఘటన దేశరాజధాని ఢిల్లీలో శనివారం రాత్రి జరిగింది. ఢిల్లీలోని సుభాష్‌నగర్‌లో అన్నాదమ్ములు ఇద్దరు కారులో వెళ్తున్నారు. అకస్మాత్తుగా ముగ్గురు గుర్తు తెలియని వ్యక్తులు వారిపై కాల్పులు జరిపారు. కాల్పుల నుంచి అన్మాదమ్ములు తప్పించుకోవడానికి ప్రయత్నం చేశారు. కానీ పది రౌండ్ల బుల్లెట్ల నుండి తప్పించుకోలేకపోయారు.
ఈ దృశ్యాలన్నీ సీసీ కెమెరాల్లో రికార్డు అయ్యాయి. వారిద్దరు తీవ్రంగా గాయపడ్డారు. వెంటనే వారిని ఆసుపత్రికి తరలించారు. పోలీసులు సీసీ కెమెరా ఫుటేజీ ఆధారంగా దుండగులను గుర్తించే పనిలో ఉన్నారు. పాత క్షక్షల కారణంగానే ఆ అన్నదమ్ములిద్దరినీ చంపాడానికి దుండగులు యత్నించారని పోలీసులు అనుమానిస్తున్నారు. కాగా తీవ్రంగా గాయపడ్డ అన్నాదమ్ముల ఆరోగ్య పరిస్థితి విషమంగా ఉన్నట్లు వైద్యులు తెలిపారు.