ఆగివున్న లారీని వేగంగా వస్తున్న టొయోటా ఇన్నోవా కారు ఢీకొట్టింది. ఈ ఘటనలో ముగ్గురు దుర్మరణం పాలయ్యారు. ఈ ప్రమాదానికి సంబంధించి వివరాలు ఇలావున్నాయి. అనంతరపురం జిల్లా మడకశిర సరిహద్దు చంద్రబాయి గ్రామం వద్ద లారీ ఆగి వుంది. ఇన్నోవా కారు బెంగుళూరు నుండి పావగడకు వస్తున్న సమయంలో అదుపు తప్పి ఆగివున్న లారీని బలంగా ఢీకొంది.
నిరుద్యోగులకు కేంద్రం తీపి కబురు
దీంతో కారులో ప్రయాణిస్తున్న డ్రైవర్‌తో పాటు ఒక మహిళ, ఓ చిన్నారి అక్కడికక్కడే మృతి చెందారు. డ్రైవర్ గుడిబండ మండలం ఎన్ఆర్ రొప్పం గ్రామానికి చెందిన వ్యక్తి కాగా, మిగతా మృతులు కర్ణాటక లోని పావగడకు చెందిన వారుగా గుర్తించిన పోలీసులు కేసు నమోదు చేసుకుని దర్యాప్తు చేస్తున్నారు.
