తెలంగాణ లాసెట్, పీజీఎల్ సెట్ ఫలితాలు ఇవాళ విడుదలయ్యాయి. రాష్ట్ర ఉన్నత విద్యామండలి చైర్మన్‌ పాపిరెడ్డి ఈ ఫలితాలను రిలీజ్ చేశారు. మూడేళ్ల లా కోర్సులో 78.60 శాతం విద్యార్థులు ఉత్తీర్ణత సాధించగా, ఐదేళ్ల కోర్సులో 62.35 ఉత్తీర్ణత శాతం నమోదయింది. పీజీఎల్ సెట్‌లో 91.04 శాతం ఉత్తీర్ణత వచ్చిందని ఈ సందర్భంగా పాపిరెడ్డి మీడియా సమావేశంలో తెలిపారు. మూడేళ్ల లా కోర్సులో స్నేహిత శ్రీ మొదటి ర్యాంకు సాధించగా.. ఐదేళ్ల కోర్సులో పాంచజన్య, పీజీఎల్ సెట్‌లో ప్రవల్లి మొదటి ర్యాంకు పొందారు.
