కియారా అద్వానీ.. ఈ మధ్య టాలీవుడ్‌ ఇండస్ట్రీలో బాగా పాపులర్‌ అయిన పేరు. తన నటన, అభినయం, అందంతో ఆకట్టుకుంటున్న ఈ అమ్మడు ప్రస్తుతం చాలా బిజీ అయింది. వరుసగా సినిమాలు చేస్తూ తన సత్తా చాటుతోంది. కాగా, కియారా సూపర్‌స్టార్‌ మహేశ్‌బాబుతో మరోసారి జతకట్టనున్నట్లు టాలీవుడ్‌ టాక్. పరశురాం దర్శకత్వంలో మహేశ్‌ నటిస్తున్న ‘సర్కారు వారి పాట’ మూవీలో తను ఓ ప్రత్యేక పాటలో నర్తించనున్నట్లు వార్తలు వస్తున్నాయి. ఈ సినిమాను మైత్రీ మూవీస్‌, 14 రీల్స్‌ సంస్థలు మహేశ్‌తో కలిసి సంయుక్తంగా నిర్మిస్తున్నాయి. కాగా, మహేశ్‌-కియారా ఇదివరకే ‘భరత్‌ అనే నేను’ మూవీలో నటించిన విషయం తెలిసిందే. ఈ సినిమాలో వీరి కాంబినేషన్‌ అదిరిపోయింది. కొరటాల శివ దర్శకత్వం వహించిన ఈ సినిమా బ్లాక్‌ బస్టర్‌ హిట్‌గా నిలిచింది.
