టాలీవుడ్ ఎనర్జిటిక్‌ స్టార్, హీరో రామ్‌ ఓ అరుదైన రికార్డును తన ఖాతాలో వేసుకున్నాడు. గతంలో రామ్‌ నటించిన ‘గణేష్‌’ సినిమా హిందీ డబ్బింగ్‌ వెర్షన్‌కు యూట్యూబ్‌లో 100 మిలియన్ల వ్యూస్‌ వచ్చాయి. ఈ సినిమాతో కలిపి రామ్‌ నటించిన 6 సినిమాలకు హిందీ యూట్యూబ్‌ ఛానెల్స్‌లో వంద మిలియన్‌ వ్యూస్‌ వచ్చాయంటే అతిశయోక్తి కాదు. ఆరు సినిమాలు హిందీ యూట్యూబ్‌లో వంద మిలియన్ల వ్యూస్‌ సాధించిన చిత్రాల హీరోగా రామ్‌ రికార్డు క్రియేట్‌ చేశాడు. టాలీవుడ్ హీరోల్లో ఏ హీరో నటించిన సినిమాలకు ఈ స్థాయిలో వ్యూస్‌ రాలేవు.
కాగా, రామ్‌ తను చివరిసారిగా నటించిన ‘ఇస్మార్ట్ శంకర్‌’ బాక్సాఫీస్‌ వద్ద కనక వర్షం కురిపించింది. అతని కేరీర్‌లోనే అతిపెద్ద విజయంగా ఈ మూవీ నిలిచింది. ఈ మూవీలో రామ్‌ నటన, డైలాగ్ డెలివరీకి ప్రేక్షకులు, అభిమానలు ఫిదా అయ్యారు. థియేటర్లలో ఒకటే గోల. పూరి జగన్నాథ్‌ డైరెక్ట్‌ చేసిన ఈ సినిమాలో నభా నటేష్‌, నిధి అగర్వాల్‌ హీరోయిన్లుగా నటించారు. ఈ చిత్ర విజయంతో వారి కేరీర్‌ కూడా విజయవంతంగా దూసుకుపోతోంది. ఈ సినిమాను పూరి, ఛార్మి సంయుక్తంగా నిర్మించారు.
