హైదరాబాద్‌: వికారాబాద్ జిల్లాలో శనివారం ఉదయం ఘోర రోడ్డు ప్రమాదం సంభవించింది. వివరాలు చూసినట్లైతే.. మోమిన్ పేట మండలం ఇజ్రాచిట్టంపల్లి వద్ద ఉదయం మంచు కమ్ముకోవడంతో, వెలుతురు లేమి కారణంగా ఎదురెదురుగా వస్తున్న ఆర్టీసీ బస్సు, లారీ, ఆటో ఢీకొనడంతో ప్రమాదం జరిగినట్టుగా తెలుస్తోంది. పూర్తి వివరాలు తెలియాల్సి ఉంది. ఈ ప్రమాదంలో ఏడుగురు మరణించగా.. మరికొంత మంది తీవ్ర గాయాలపాలయ్యారు. స్థానికులు పోలీసులకు, అంబులెన్స్‌కు సమచారం అందించినట్లు తెలుస్తోంది.
