టాలీవుడ్‌ మెగా ప్రిన్స్‌ వరుణ్‌ తేజ్‌ హీరోగా.. నూతన దర్శకుడు కిరణ్‌ కొర్రపాటి డైరెక్షన్‌లో ఓ సినిమా తెరకెక్కుతున్న విషయం తెలిసిందే. బాక్సింగ్ నేపథ్యంలో ఈ సినిమా తెరకెక్కుతోంది. అల్లు వెంకటేశ్, సిద్ధు ముద్ద సంయుక్తంగా ఈ సినిమాను నిర్మిస్తున్నారు. ఈ మూవీలో వరుణ్‌ బాక్సర్‌గా కనిపిస్తారు. ఈ సినిమా కోసం బాక్సింగ్ మెలకువలు నేర్చుకోవడానికి పలువురు బాక్సింగ్ ఫ్రొఫెషనల్స్‌ దగ్గర శిక్షణ కూడా తీసుకున్నారు వరుణ్‌.
బాలీవుడ్‌ నటి సాయి మంజ్రేకర్‌ ఇందులో కథానాయిక. విలక్షణ నటుడు, కన్నడ స్టార్‌ ఉపేంద్ర, బాలీవుడ్‌ స్టార్‌ సునీల్‌ శెట్టి, నదియా ముఖ్య పాత్రల్లో నటిస్తున్నారు. ఈ సినిమా చిత్రీకరణ హైదరాబాద్‌లో జరుగుతోంది. ప్రస్తుతం నైట్‌ షెడ్యూల్‌లో పలు సన్నివేశాలు చిత్రీకరిస్తున్నారు. మరికొన్ని రోజుల పాటు ఈ షెడ్యూల్‌ సాగనుంది. హైదరాబాద్‌ షెడ్యూల్‌ తర్వాత ఢిల్లీలోనూ చిత్రీకరణ ప్లాన్‌ చేస్తున్నట్టు మూవీ యూనిట్ తెలిపింది.