కాఫీ విత్ కరణ్ షోలో విజయ్ దేవరకొండ బోల్డ్ కామెంట్స్ చేశాడు. ముగ్గురితో కలిసి సెక్సులో పాల్గోడానికి అభ్యంతరం లేదని చెప్పాడు.నటుడు విజయ్ దేవర కొండ ఇప్పుడు ‘లైగర్’ సినిమాతో బాలీవుడ్‌లోకి అడుగుపెడుతున్నాడు. తాజాగా విజయ్ కాఫీ విత్ కరణ్ సీజన్ లో ‘లైగర్’ హీరోయిన్ అనన్య పాండేతో కలిసి ఇంటర్వ్యూ ఇచ్చాడు. మంగళవారం విడుదలైన ఈ ఎపిసోడ్ ప్రోమోలో కరణ్ జోహర్ విజయ్ దేవరకొండను బోల్డ్ క్వశ్చన్స్ అడిగాడు. విజయ్ ను అడిగిన ప్రశ్నలు వాటికి విజయ్ దేవరకొండ ఇచ్చిన సమాధానాలు కూడా ఆసక్తికరంగా మారాయి.
ప్రోమో ప్రకారం కరణ్ జోహర్ ‘‘నీకు చీజ్ ఇష్టమా?’’ అని విజయ్ దేవరకొండను అడిగాడు. గతంలో సారా అలీ ఖాన్, జాన్వీ కపూర్ కలిసి పాల్గొన్న ఎపిసోడ్లో విజయ్ దేవరకొండ అంటే తమకు ఇష్టం అని పేర్కొన్న ఇద్దరు భామలు విజయ్ ఛీజ్ లాంటోడు అంటే వెన్నలాంటి వాడు అంటూ కామెంట్ చేశారు అది చూసి విజయ్ కొంచం సర్‌ప్రైజ్ ఫీల్ అయ్యాడు. తర్వాత అనన్య పాండేని ప్రశ్నిస్తూ తాను ఇచ్చిన పార్టీలో మీ కోస్టార్ ఆదిత్య రాయ్ కపూర్ తో నువ్వు ఏం చేశావు? ఏం జరుగుతోంది అని ప్రశ్నించడంతో ఆమె ఏమీ చెప్పలేక చూస్తూ ఉండిపోయింది. ఇక ఆ తర్వాత విజయ్ దేవరకొండ గురించి మాట్లాడుతూ చివరి సారిగా సెక్స్ ఎప్పుడు చేశావు అని అడిగితే విజయ్ దేవరకొండ అబార్ట్ అంటే ఈ ప్రశ్న ఇక్కడితో ఆపేయండి అని సమాధానం ఇచ్చాడు. కానీ అనన్య పాండే మాత్రం ఈ రోజు ఉదయం అంటూ కామెంట్ చేసింది. ఆమె సమాధానాన్ని కరణ్ సరిచేస్తూ.. ‘‘కాదు, ఈ రోజు ఉదయం అనాలి’’ అని విజయ్‌ను ఆటపట్టించారు.
ఆ తర్వాత ఎప్పుడైనా పబ్లిక్ ప్లేస్ లో సెక్స్ చేసావా అని విజయ్ దేవరకొండని అడిగితే చేసానని అయితే పబ్లిక్ ప్లేస్ లో కార్లో సెక్స్ చేశానని విజయ్ దేవరకొండ ఏ మాత్రం మొహమాటం లేకుండా ఒప్పుకున్నాడు. కొన్ని డెస్పరేట్ సందర్భాల్లో అలా చేయాల్సి వచ్చిందని విజయ్ దేవరకొండ చెప్పారు. ఆ తర్వాత ఎప్పుడైనా త్రీసమ్ అంటే ముగ్గురు కలిసి శృంగారం చేశావా అంటూ ఇప్పటివరకు చేయలేదు కానీ చేయాల్సి వచ్చినా పెద్దగా ఇబ్బంది పడేది ఏమీ లేదంటూ కామెంట్ చేశాడు. విజయ్ దేవరకొండ చేసిన కామెంట్లు ఇప్పుడు సోషల్ మీడియాలో వైరల్ అవుతున్నాయి. ఈ షోలో కరణ్ విజయ్ దేవర కొండ, రష్మికపై వస్తున్న రూమర్స్ గురించి కూడా అడిగినట్లు సమాచారం.
కాఫీ విత్ కరణ్ సీజన్ -7 లో విజయ్ దేవరకొండ, అనన్య పాండేల ఇంటర్వ్యూ జులై 28న డిస్నీ ప్లస్ హాట్‌స్టార్‌లో స్ట్రీమింగ్ కానుంది. విజయ్ దేవర కొండ నటించిన పాన్-ఇండియా చిత్రం ‘లైగర్’ ఆగష్టు 25 న విడుదలవుతోంది. రమ్య కృష్ణన్, రోనిత్ రాయ్ ముఖ్య పాత్రల్లో కనిపించనున్నారు.