మాస్‌ డైరెక్టర్‌ బోయపాటి శ్రీను, టాలీవుడ్‌ టాప్‌ హీరోల్లో ఒకరైన బాలకృష్ణ కాంబినేషన్‌లో రానున్న క్రేజీ మూవీ ‘బీబీ3’. ఇప్పటికే వీరి కాంబినేషన్‌లో వచ్చిన సింహా, లెజెండ్‌ సినిమాలు బాక్సాఫీసు వద్ద ఘనవిజయం సాధించాయి. వీరి కాంబోలో మరో మూవీ రాబోతుండడంతో ప్రేక్షకుల్లో అనేక అంచనాలు పెరిగిపోయాయి. నందమూరి అభిమానులు ఎంతగానో ఎదురుచూస్తున్న ఈ మూవీ లేటెస్ట్‌ అప్‌డేట్ వచ్చేసింది. ఈ మూవీలో యంగ్‌ బ్యూటీ సయేషా సెహెగల్ కథానాయికగా ఎంపికయింది. సయేషా ఎంపికను చిత్ర యూనిట్‌ అధికారికంగా ప్రకటించింది.
ద్వారకా క్రియేషన్స్‌ బ్యానర్‌పై మిర్యాల రవీందర్‌ రెడ్డి ఈ చిత్రాన్ని నిర్మిస్తున్నారు. తమన్‌ స్వరాలు సమకూరుస్తున్నారు. ఇంతకు ముందు బోయపాటి డైరెక్షన్‌లో వచ్చిన మూవీ వినయ విధేయ రామ బాక్సాఫీసు వద్ద ఘోర పరాజయాన్ని చవిచూసింది. ఈ మూవీ పరాజయం శ్రీనుకు, హీరో రామ్‌ చరణ్‌కు జీర్ణించుకోలేని విషయం. ఈ పరాజయం నుంచి త్వరగా బయటపడాలనే బోయపాటి.. తనకు రెండు హిట్స్‌ ఇచ్చిన బాలయ్యతో సినిమాకు రెడీ అయ్యాడు. కాగా, సయేషా ఇంతకు ముందు తెలుగులో అఖిల్‌ సరసన ‘అఖిల్‌’ సినిమాలో హీరోయిన్‌గా నటించింది. అనంతరం, ఆమె తమిల్‌లో బిజీ అయ్యారు.
